Hochdeutsch

El alemán estándar o Hochdeutsch^[1] (n'alemán) ye una variedá estándar del alemán usáu na llingua escrita, en contestos formales y pa la comunicación ente distintes árees dialeutales. Puesto que l'alemán ye una llingua pluricéntrica, esisten distintes variedaes d'alemán estándar.

L'alemán estándar nun s'anició como un dialeutu tradicional d'una rexón específica, sinón como una llingua escrita, desenvuelta nun procesu de dellos cientos d'años mientres el cual los autores trataron d'escribir d'una manera que pudiera ser entendida en grandes árees. Hasta aproximao 1800, l'alemán estándar foi casi puramente una llingua escrita. Nesta dómina la xente del norte d'Alemaña, que falaba dialeutos del baxu saxón (Nedersaksisch) bien distintos del Hochdeutsch, aprendíen ésti casi como una llingua estranxera. Más tarde la pronunciación del norte foi considerada estándar y estendióse escontra'l sur. En delles rexones, como la contorna de Hannover, el dialeutu autóctonu sumió totalmente.

1. ↑ Hochdeutsch: Diccionariu Alemán PONS.